- Gratis
- O encontro é 100% gratuíto.
- Todos os niveis
- Desde principiantes ata nativos.
- Sen inscrición
- Ven cando poidas e marcha cando queiras.
Un encontro casual cada semana para practicar inglés, castelán, galego e outros idiomas.
Sen libros nin exames, só boa conversa e café con veciñas e veciños de Monforte de Lemos e arredores.
Próximos encontros
- Xov., 15 de out. Rizoma Coworking 18:30 – 20:30
- Xov., 22 de out. Cervecería Mulligans 18:30 – 20:30
- Xov., 29 de out. Cervecería Mulligans 18:30 – 20:30
Como comezou
O primeiro intercambio foi en novembro de 2023, en Mon: Come y Sueña. A idea foi de Jimmy e o sitio púxoo Iria.
Na zona vive moita xente que vén de fóra. Algúns, coma Jimmy, queren practicar castelán e galego. Outros, coma Kasia, queren practicar inglés. Moita xente de Monforte tamén quere inglés, e axuda os demais co galego e o castelán.
Cada vez vive en Monforte máis xente doutros países e con outras linguas. O intercambio é un sitio para coñecerse coa xente de aquí.
Preguntas frecuentes
Necesito un nivel alto?
Non. Vén xente que está a empezar e xente nativa, e no grupo hai algúns profesores de idiomas e moita xente bilingüe. Se non entendes algo, dío e alguén che bota unha man.
É gratis?
Si, e non hai que consumir nada. Se quedamos nun bar ou nunha cafetaría, tomar algo é unha boa maneira de agradecerllo ao local.
Que linguas se falan?
Sobre todo inglés, castelán e galego. Se somos bastantes, facemos mesas por lingua; se non, unha soa mesa e repartimos o tempo. Se queres practicar outra lingua, pregunta no grupo de WhatsApp: ás veces hai alguén.
Podo ir só/a?
Si. A maioría vén soa. Saúda ao chegar e buscámosche sitio nunha conversa.
Que se fai alí?
Falamos. Non hai clase nin programa. Ás veces propoñemos temas no aviso do día anterior, pero a conversa vai por onde queira. Ultimamente somos unhas 10 ou 15 persoas, e algunhas semanas pasamos de 20. Algúns volvéronse habituais e algúns fixéronse amigos.
Canto dura?
Unhas dúas horas. A hora de cada encontro está na lista de encontros.